telebista
Hurrengo atalean
'Goenkale': Germanen osasunak okerrera egin du
EITB
Zorabioak sentitzen hasi den arren, ez dio inori ezer kontatu nahi
-
'Goenkale'. Argazkia: EITB
Bideoak (1)
Era berean, Ines kezkatuta dago Germanen egoera dela eta. Izan ere, lanak ez diola batere onik egiten pentsatzen du. Ez dago oso oker, German zorabioak sentitzen hasi baita. Hala ere, ez du onartu nahi eta ingurukoei ez die ezer kontatu nahi.
Bestalde, kontuak ez daude oso ondo Kandidorenean, eta are gutxiago banketxera joan eta diru aldetik geroz eta okerrago dabiltzala ohartuta. Egoera horren ondorioz, Aliziarekin eztabaida izango du, ez baitago ados Kandidok erakusten duten harrokeriarekin. Kandidok, berriz, mozkortuta, Samueli eraso egingo dio.
Azkenik, Malenen sendian ere ezegonkortasuna da nagusi. Iraganari buruzko egia jakin duenez gero, gurasoekin duen harremanak okerrera egin du. Lukasek soilik arinduko ditu Malenen atsekabeak.
