telebista
23:00etan
'Agur 2011' saio berezia, astelehenean, ETB-1en
A.H.
EITB
Urteari agur esateko modu ezberdinak ezagutuko ditu Amaia Artetxek.
-
'Agur 2011'. EITB
Urteari agur esateko modu asko daude eta beste hainbeste urte berriari ongi etorria emateko. Munduan barrena, gau hau ospatzeko hainbat ohitura ezberdin daude; baina, urrutira joan gabe, Euskal Herrian bertan ere nork bere erara bizi du urte aldaketa. 'Agur 2011' saioan, Amaia Artetxeren eskutik, gertutik biziko dugu une magiko eta berezi hori.
Afari on bat dastatzeko 200 euro baino gehiago ordaintzen dutenak ezagutuko dituzte; familia artean ospatzen dutenekin egongo dira; lanean ari direnek zein naturarekin bat egiten dutenek ere tokia izango dute saio berezi honetan; eta urte berriaren ongietorria, ordu txikiak ederki luzatzen dituztenekin batera ospatuko dute.
'Agur 2011' astelehen honetan emitituko da 23:00etik aurrera ETB-1en.
