telebista
Eibarreko pilota jaialdia zuzenean ETB-1en
A.H.
EITB
Horrez gain, Endesa ligako Gescrap Bizkia eta Lagun Aro taldeen arteko norgehiagoka eta Zornotzako Nazioarteko Krosa eskainiko dira.
-
Gonzalez. Argazkia: EITB
Igande honetako kirol eskaintza saskibaloiarekin hasiko da Euskal Telebistan. Endesa Ligako Gescrap Bizkaia eta Lagun Aro taldeek elkarren aurka jokatuko dute 12:30etik aurrera Bilbon eta ETB-1ek zuzenean eskainiko du norgehiagoka Xabier de la Fuente, Josean Aldalur eta Juan de la Vegaren komentarioekin.
ETBK Sat kateak bere aldetik, Zornotzako Nazioarteko krosarekin bat egingo du 13:30etik aurrera zuzenean eta Juanan Legorburu eta Xabier Leibar komentaristak arduratuko dira emanaldiaren gaineko kontakizuna egiten.
Arratsaldean, ETB-1ek zuzenean bat egingo du Eibarreko pilota jaialdiarekin eta bertan jokatuko diren partidak eskainiko ditu. Hasteko, Apezetxea- Cecilio eta Idoate- Ladis Galarza bikoteen arteko norgehiagoka eskainiko da eta ondoren, Gonzalez- Merino eta Ezkurdia- Pascual bikoteen artekoa. Xabier Euzkitzek, Josean Tolosak eta Elena Azpeitiak emango dute pilota jaialdiaren berri arratsaldeko 17:00etatik aurrera.
