Eibarko pilota partidak, ostiralean ETB-1en

Ostiral honetan Eibarko pilotalekuan jokatuko diren pilota partidak eskainiko ditu ETB-1ek zuzenean, arratsaldeko 17:00etatik aurrera. Hasteko, Olazabal- Larrinaga eta Jaunarena- Cecilio bikoteen arteko norgehiagoka eskainiko da eta ondoren, Peñagarikanok Martinez de Irujo edo Titiin IIIa (osteguneko partidaren arabera) lagun duela Ezkurdia- Pascual bikotearen aurka lehiatuko da. Jardunaldiko azkeneko partida, Gorka- Arruti eta Mendizabal III- Ladis Galarza bikoteen artekoa izango da. Xabier Euzkitzek, Josean Tolosak eta Koldo Aldalurrek emango dute partiden berri ETB-1en.