telebista
Larunbatean
Eibar eta Real Unionen arteko partida, zuzenean, ETB-1en
A.H.
EITB
ETBK Sat katean bere aldetik, Ziskar II- Imanol eta Altaldill- Lujan bikoteen arteko pala partida eskainiko du 22:30etik aurrera.
-
Eibar. Argazkia: EITB
Larunbat honetan, Txemi Galarragak aurkeztutako 'Zilarrezko Futbola' saioak bigarren mailako bi partida eskainiko ditu ETB-1en. Hasteko, Eibar eta Real Union talde euskaldunen arteko partida eskainiko da 16:00etatik aurrera Eibarretik zuzenean eta Xabier Andueza, Joseba Urkiola eta Juanan Larrañagak egingo dute emanaldiaren gaineko kontakizuna.
Ondoren, Bigarren A mailako Guadalajara eta Valladolid taldeen arteko norgehiagoka eskainiko da 18:00etatik aurrera eta bigarren emanaldi honetan, Ander Txintxurreta eta Naxari Altuna izango dira komentarista.
Pala ETBK Sat-en
ETBK Sat kateak bere aldetik, Bilbon arratsaldean jokatuko den Munduko Txapelketako pala partida eskainiko du, Ziskar II - Imanol eta Altadill - Lujan bikoteen artean. Emanaldia gaueko 22:30etik aurrera izango da.
