telebista
Futbola
Athletic-Manchester partidaren gaineko jarraipen berezia ETBn
A.H.
EITB
ETB kirol taldeak zuzeneko konexioak egingo ditu, Bilbon biziko den giroaren lekuko izango da eta partidako protagonisten adierazpenen berri emango du.
-
Manchester - Athletic. Argazkia: EFE
Euskal Telebistak Athletic eta Manchester United taldeek ostegunean San Mamesen jokatuko duten partida historikoaren gaineko jarraipen berezia egingo du. Goizeko albistegiekin hasi eta egun osoan zehar, zuzeneko konexioak egingo dituzte Athleticeko jarraitzaileak bilduko diren Bilboko leku adierazgarrienetan, partidaren aurretik kalean bizi den giroaren lekuko izango dira eta norgehiagokaren protagonisten adierazpenak bilduko dituzte.
Partida amaitu ondoren, ETBK Sat kateak 'Tribuna Gol' saio berezi bat eskainiko du gaueko 22:00etatik aurrera. Partidak eman dituen momenturik onenen bilduma jasoko du saioak, baita kaleko giroa zein jarraitzaileen indarra islatuko dituzten irudiak ere. Horrez gain, neurketaren osteko prentsaurrekoen berri emango du; Marcelo Bielsak zein Alex Fergusonek egingo dituzten adierazpenak adi entzungo dituzte eta partidako jokalari adoretsuenen hitzak ere jasoko dituzte. Txemi Galarragak aurkeztuko du saio berezia eta Jorge Cerrato kazetaria eta Joseba Agirre eta Patxi Ferreira futbolariek parte hartuko dute.
