albistea
ETB-1en, 21:00etan
'Lehoiaren atzaparra' erreportajea dakar 'Harian' saioak igandean
A.A.
EITB
Ostegunean Athletic eta Manchesterrek jokatutako neurketaren nondik norako guztiak, Iban Bengoetxearen eskutik.
-
Iban Bengoetxea. Argazkia: EITB.
Ilusioa, poza, gogoa, zale amorratuak eta irabaztera atera zen talde bat ikusgai izango dugu igandean, gaueko 9etan, ETB-1eko 'Harian' saioko Lehoiaren atzaparra erreportajean.
Athleticek eta Manchesterrek izugarrizko partida jokatu zuten ostegunean, beti ere zale zurigorriek ezin hobeto babestuta. 'Harian' saioko taldekoak protagonista guztiekin egon ziren: hemengoekin zein Manchesterrekoekin; eta Bizkaia osoa, lehoiekin bat eginda, erakutsiko digute.
Ostegunean denak egon ziren Athleticekin: dendak, tabernak, jatetxeak, baita Begoñako Ama Birjina ere ahaztezineko partida batean. Izan ere, 35 urte geroago, talde zurigorria Europako final laurdenetan egongo da.
Igande gauean, 'Harian', ETB-1en, Iban Bengoetxeak aurkeztuta.
