albistea
Apirilaren 4an
La Troba Kung Fu taldeak ‘Goenkale’n egingo duen grabaziora joan nahi?
EITB
Talde kataluniarrak egin du 2012ko Herri Urratseko abestia, 'Elkartuz zabaldu' deritzona, hain zuzen ere.
-
La Troba Kung Fu
‘Goenkale’ telesailaren zalea zara eta gainera La Troba Kung Fu musika taldea gustuko duzu? Hau da zure aukera. Izan ere, talde kataluniarrak 'Goenkale' telesailekoatal batean parte hartuko du, laster.
Apirilaren 4an izango da grabazioa 12:00etatik aurrera EITBren Miramongo egoitzan. ‘Goenkale’k La Troba Kung Fu taldeaz eta telesailaren grabazioaz gozatzeko aukera eskaini nahi die beren jarraitzaileei. Interesa dutenek e-mail bat idatzi beharko dute beren datu pertsonalekin.
La Troba Kung Fu talde kataluniarrak egin du aurten 2012ko Herri Urratseko abestia, ''Elkartuz zabaldu''. Halaber, Iparraldeko ikastolen aldeko jaia egingo den egunean, maiatzaren 13an, kontzertua eskainiko du Senperen.
'Goenkale' astelehen eta astearte gauetan izaten da ikusgai, 22:10etik aurrera, ETB-1en.
