Zeledonen Jaitsieraren emanaldiak harrera bikaina izan du ETB2n

Ostegun arratsaldean ETB2n ikusgai izan zen Zeledonen Jaitsierak audientziaren harrera bikaina izan du. Gasteizko jaiei hasiera ematen dien ekitaldia liderra izan da bere ordu-tartean. % 19,5eko kuotarekin, azken hamar urteetako daturik onena lortu du. Halaber, 130.000 ikus-entzulek bat egin dute emankizunarekin uneren batean Euskadin eta eragin eremuan. 

Jendez lepo zegoen Andre Maria Zuriaren plazak momentu gorena bizi izan zuen Zeledonen panpina San Miguel elizako kanpandorretik jaitsi ondoren, hezur haragizko Zeledon, Gorka Ortiz de Urbina, plazako balkoira iritsi eta herritarrei hitz egin zienean. Emanaldi zati horrek % 27,1eko audientzia-zatia eskuratu zuen. 

Pilar Ruiz de Larreak eta Unai Ugartek gidatu zuten ETB2n eta eitb.eus-en zuzenean jarraitu ahal izan zen saio berezia, Iñaki Elorza eta Egoitz Txurruka berriemaileen laguntzarekin.