Urte berrian "La noche de..." atal berezia 'Puñales por la espalda' filmarekin

Urte berria ospatzeko ETB2k "La noche de..." saioko atal berezia eskainiko du, abenduaren 1ean.  Felix Linaresek aurkezten duen saioak film berezia eskainiko du Puñales por la espalda (Knives Out, 2019); pelikula oso dibertigarria, umorez eta misterioz betea, eta Agatha Christieren istorio klasikoak omentzen dituena. Hilketa misteriotsu bat izango du istorioak erdigunean, eta inguruan, hainbat susmagarri bilduko dira; gainera, hiltzailea nor izan den aurkitzen saiatuko den detektibea ere agertuko da. "LND" programak, besteak beste, Daniel Craig, Jamie Lee Curtis, Don Johnson, Toni Collette, Christopher Plummer eta Ana de Armas aktoreek osatzen duten antzezle talde harrigarriari buruz hitz egingo du.

Detektibearen rola Daniel Craigek jokatzen du, eta horregatik "La noche de…"k erreportaje berezi bat prestatu du antzezleari buruz. Bere bizitza luparekin arakatuko dute eta, horrela, Daniel Craig benetan nor den esango diguten 7 aztarna ezagutuko ditugu.

Gainera, Félix Linaresek pantailako 5 detektibe bizkorrenen eta ospetsuenen zerrenda osatuko du eta denetarik dago bertan: superikertzaile bat, bibotetxoa duen beste bat, edo zoritxarreko nobelagile bat, esaterako.

"La Noche De…" berezia igandean, abenduaren 1ean, 22:15etik aurrera ETB2n eta eitb.eus-en.