albistea
Astelehenean, ETB-1en
Autodeterminazioa eta erabakitzeko eskubideaz, 'Azpimarra+' saioan
A.H.
EITB
Maddalen Iriartek aurkeztutako saioak, gainera, Frantziako hauteskunde legegileak hartuko ditu hizpide.
-
'Azpimarra', Maddalen Iriarte. EITB
Aste honetako 'Azpimarra+' saioak Jon Maia eta Anjel Oiarbide, Nazioen Mundua elkarteko kideak, izango ditu protagonista, estreinatu berri duten Gazta zati bat filma hizpide hartuta. Nazioen Munduak bultzatua, Jon Maiak zuzendutako dokumental honek autodeterminazio eskubidea hartzen du ardatz. Maddalen Iriarterekin batera, erabakitzeko eskubideari buruz arituko dira. Ondoren, Gaizka Aranguren eta Maite Ubiria kazetariek eta Eguzki Urteaga soziologoak gaiarekin jarraituko dute solasaldi mahaiaren inguruan.
Bestalde, Frantziako hauteskunde legegileak ere izango dituzte mintzagai eta hiru solaskideez gain, Frank Dolosor lankideak hauteskundeetako datuak emango ditu.
'Azpimarra+' astelehen honetan emitituko da 23:10etik aurrera ETB-1en.
