albistea
Kirol emanaldiak
Euskadiko traineru txapelketa, gaur zuzenean ETB-1en
A.H.
EITB
Horrez gain, ETBK Sat kateak Donostian ospatuko den binakako Zesta txapelketa eskainiko du zuzenean.
-
Traineru txapelketa
Asteartean, ETB-1ek Euskadiko Traineru txapelketa eskainiko du Oriotik zuzenean, goizeko 12:00etatik aurrera. Estropada jardunaldiaren gaineko kontakizuna Mikel Olazabal, Ibon Gastañazpik eta Sara Gandarak emango dute.
Zesta-punta ETBKn
Horrez gain, ETBK Sat kateak Donostian ospatuko den binakako zesta txapelketako finaleko partidak eskainiko ditu zuzenean. Lehenengo partidak, txapelketaren hirugarren eta laugarren postuak erabakiko ditu, eta Erkiaga- Enbil eta Garcia- Lopez bikoteen artean jokatuko da. Ondoren, Goikoetxea- Alliez II eta Egiguren II- Hernandez bikoteek jokatuko dute finaleko partida. Iñigo Aiestaran eta Jabier Arkarazok egingo dute Munduko Pilota Kontseiluak antolatutako txapelketaren gaineko kontakizuna.
