Baiona eta Biarritzen arteko Euskal Herriko I. errugbi kopa, ETB-1en

Gaur, Euskal Herriko lehenengo errugby kopa jokatuko da Donostiako Anoeta estadioan, eta Aviron Bayonnais eta Biarritz Olinpique taldeak arituko dira nor baino nor gehiago. Partida arratsaldeko 20:00etan izango da eta ETB-1ek zuzenenean eskainiko du. Jon Ander Gorospek eta Iñaki Laskurainek egingo dute emanaldiaren gaineko kontakizuna.

Horrez gain, Euskal Telebistako lehenengo kateak Zarauzko pilota jaialdia eskainiko du gaueko 22:00etatik aurrera. Lehenengo neurketak, Retegi BI-Arruti eta Apezetxea- Larrinaga bikoteak jarriko ditu aurrez aurre eta ondoren, jardunaldiko partida nagusia jokatuko dute Gonzalez-Laskurain eta Jaunarena-Merinoren artean. Xabier Euzkitzek, Joxan Tolosak eta Koldo Aldalurrek emango dute jaialdiaren berri ETB-1en.

Burgoseko Itzulia, ETBK Sat-en

Horrez gain, ETBK Sat kateak Burgoseko Itzuliaren hirugarren etapa eskainiko du zuzenean 16:00etatik aurrera. Santo Domingo de Silos eta Lermaren arteko 159 kilometroko ibilbideak osatuko du etapa, eta Xabier Usabiaga eta Fermin Aramendi komentaristak izango dira emanaldiaren arduradun.