Zumaiako ikurriña zuzenean ETB-1en

A.H.

EITB

Azken eguneratzea: 2012/08/12 09:25 (UTC+2)

Horrez gain, Urruñako pilota jaialdia ere eskainiko du ETB-1ek zuzenean.

Estropadak.

Whatsapp
Whatsapp
telegram
twitt
Bidali
Esteka kopiatu

Euskal Telebistak Zumaiako Ikurriña eskainiko du zuzenean gaur, goizeko 12:00etatik aurrera. Hasteko, emakumezkoen EuskoTren Ligako estropadak izango dira ikusgai eta ondoren, 12:30etik aurrera, gizonezkoen San Miguel Ligako jardunaldia. Mikel Olazabalek, Ibon Gaztañazpik eta Sara Gandarak egingo dute emanaldiaren gaineko kontakizuna.

Arratsaldean, Urruñako pilota jaialdiarekin bat egingo dute Euskal Telebistako kamerek eta bertan jokatuko diren partidak eskainiko dira zuzenean, 17:00etatik aurrera. Jokatuko den lehenengo partida, Apezetxea- Merino eta Idoate- Larrinaga bikoteen artekoa izango da eta partida nagusia, Titin III- Merino II eta Xala- Zubietaren artean jokatuko da. Xabier Euzkitzek, Josean Tolosak eta Nerea Azpeitiak emango dute partiden berri ETB-1en.