albistea
Zuzeneko kirol emankizunak
Eibar eta Athletic B-ren arteko partida, larunbatean, zuzenean ETB-1en
A.H.
EITB
Horrez gain, ETBK Sat kateak Hondarribian jokatutako zesta-puntako bakarkako txapelketaren finala eskainiko du.
-
Argazkia: EFE
Larunbatean, ETB-1ek Eibar eta Athletic B taldeen arteko Bigarren B mailako partida eskainiko du Eibartik zuzenean. Norgehiagoka arratsaldeko 18:00etan jokatuko da eta Xabier Andueza, Juanan Larrañaga eta Joseba Urkiola komentaristek egingo dute emanaldiaren gaineko kontakizuna.
Bestalde, ETBK Sat kateak, 20:30ean, Hondarribian jokatutako zesta-puntako banakako txapelketako finala eskainiko du, Goikoetxea-Lopez, Koldo Aldalur eta Jabier Arkarzoren komentarioekin.
Goizeko 11:50etan, Iruñean jokatzen ari den Trinketeko Munduko Kopari eskainitako lehen emanaldia izango da ikusgai: gomazko paleta finala. Argentina eta Frantziaren arteko neurketaren kontakizuna Iñigo Aiestaranek egingo du.
Gauean, 22:20ean, Urriza-Urrutia eta Juaristi-San Miguel bikoteen arteko erremonte partidaren berri emango dute Koldo Aldalur eta Iñaki Agirrezabala Matxin-ek.
