Saskibaloia, pilota eta errugbia, igandean, ETBn

Saskibaloiarekin abiatuko dute igandeko kirol programazioa ETBn. Caja Laboral eta Cajasol taldeen arteko norgehiagoka 12:10etik aurrera izango da ikusgai ETB-1en eta eitb.com-en, Asier Aranguren, Josean Aldalur eta Juan de la Vegaren eskutik.

13:00etan, trinketeko Euskadiko txapelketako finala eskainiko da, Iñigo Aiestaran eta Kepa Arroitajauregiren komentarioekin.

15:30ean Hernani-Getxo Artea errugbi partidaren berri emango dute ETBKn eta eitb.com-en Jon Ander Gorospek eta Koldo Alduntzinek.

16:00etan, ETB-1en, Ormaetxea eta Alkortaren arteko sega desafioaren ingurukoak bilduko dituzte Juanan Legorburuk eta Mikel Alkortak.

Amaitzeko, 17:00etan, 'ETB Kantxa' saioa hasiko da ETB-1en eta eitb.com-en. Eibarko Astelenatik egingo da pilota emanaldia eta hiru partida izango dira ikusgai: lau t'erdiko txapelketako partida izango da lehenengoa, Aritz Lasa eta hilaren 5eko garailearen artean; binakako partida bigarrena, Irujo-Laskurain / Julen Retegi-Zubieta, eta 2. Mailako lau t'erdiko txapelketako Ongay- Jaunarena hirugarrena. Xabier Euzkitze, Joxan Tolosa eta Elena Azpeitia izango dira berriemaile.