albistea
Eurocup txapelketa
Gescrap Bizkaia-Buducnost Voli saskibaloi partida, zuzenean
A.A.
EITB
Asier Arangurenek, Josean Aldalurrek eta Jokin Etxebarriak egingo dute kontakizuna ETB-1en eta eitb.com-en.
-
Argazkia: EFE
Gescrap Bizkaiak Buducnost Voli taldearen aurka jokatuko duen Eurocup txapelketako partida zuzenean eskainiko dute ETB-1ek eta eitb.com-ek asteazken honetan. 20:10ean hasiko da kirol emanaldia, Asier Aranguren eta Josean Aldalur esatarien eskutik. Jokin Etxebarriak bilduko ditu protagonisten hitzak.
Bestalde, ETBKn pilota emankizuna izango da 13:30etik aurrera. Tarbesen jokatutako gazte mailako Munduko Txapelketako eskuz binakako finalaren berri emango du Koldo Aldalurrek hain zuzen ere.
Jose Ituartek gidatzen duen 'La Entrevista' elkarrizketa saioan, berriz, Javi Salgado Lagun Aro Gipuzkoa Basket taldeko jokalaria izango da gonbidatu. Taldearen egungo egoeraz mintzatuko dira. Ligako lehen garaipena eskuratu dute donostiarrek eta gogor lehiatu beharrean dira sailkapenean gora egiteko. Beste euskal taldeez, oro har saskibaloiaz duen ikuspegiaz, eta, noski, berari buruz (orainaz eta etorkizunak) galdetuko dio Ituartek, 22:30etik aurrera ikusgai izango den solas-tartean.
