albistea
Aurrerapena
Mireia mendeku bila hasiko da, 'Goenkale'n
Lukasen desleialtasunari buruzko xehetasunak ezagutu nahian dabil, eta Malen, bere buruz beste egiteko erabakia hartu zuenean, haurdun zegoela jakingo du.
Informazio gehiago (1)
Mendekuak leku handia beteko du 'Goenkale' telesailaren gaurko atalean. Gainera, etxegabetzeak eta horien aurkako mugimenduak ere ez dira faltako Arralden.
Mireia aztoratuta dabil Lukasek haren alaba, Malen, engainatzen zuela jakin zuenetik. Desleialtasunari buruzko xehetasunak ezagutu nahian dabil, eta Malen, bere buruz beste egiteko erabakia hartu zuenean, haurdun zegoela jakingo du.
Gainera, Julianek Garbiñeri diru-kopuru handi bat eman nahiko diola ere jakingo du Mireiak, eta zaintzailea lanetik botako du, ez baitaki azken horrek diruari uko egin dionik.
Beraz, Garbiñe lanik gabe geldituko da, baina, zorionez, senarraren heriotzari dagokion kalte-ordaina jasoko duela jakinaraziko diote.
Itxaso ez da ohartuko haren inguruan gertatzen ari den guztiaz, eta kalean aurkitutako dirua xahutzen jarraituko du. Halako batean, diru hori Lupek, ahalegin handiz, bere herrira bidaiatzeko aurreztutakoa zela jakingo du.
Ez da hori, ordea, egoera deseroso bakarra izango. Etxegabetze bat ekiditeko manifestazioan parte hartuko du Saidek, eta Kandidok atxilotu egingo du.
