albistea
ETB-1en
Xabi Alonsori bisita egingo dio Xabier Euzkitzek 'Bisitaria'n
A.E.
EITB
Real Madrilen ari den euskal futbol jokalariarekin futbolaz, familiaz, etorkizunaz eta eguneroko bizitzaz arituko da Euzkitze.
Bideoak (1)
Xabi Alonsori egingo dio bisita Xabier Euzkitzek asteazken honetan ETB-1eko 'Bisitaria' saioan. Mourinhok ez ditu gauzak erraz jartzen jokalariekin solasaldiak izateko orduan, baina 'Bisitaria'k Valdebebasen murgiltzea lortu du. Eta bertan, bihotz txuriurdina duen Xabi Alonsorekin futbolaz, familiaz, etorkizunaz eta eguneroko bizitzaz aritu da Euzkitze.
Periko Alonsoren seme gazteena pozik dago Nagore emaztea eta Jon eta Ane seme-alabekin Madrilen, baina 'Bisitaria'ri aitortu dionez, Donostian ikusten du bere familia etorkizunean, erroak han dituztelako botata. Bien bitartean, aitak Tolosatik eramaten dizkion txuletak egun berezietarako gordetzen jarraituko du.
'Bisitaria' ETB-1en dago ikusgai, asteazken honetan, 22:15ean.
