albistea
18:40ean
Zalgiris Kaunas-Caja Laboral, zuzenean ETB-1en eta eitb.com-en
A.H.
EITB
Horrez gain, Arbizuko pilota jaialdia eskainiko da 22:15etik aurrera.
Gaur iluntzean, Zalgiris Kaunas eta Caja Laboral taldeek Euroligaren barruan jokatuko duten norgehiagoka eskainiko du ETB-1ek zuzenean. Top 16 sailkapenerako aukerak amaitzen ari zaizkio talde gasteiztarrari eta gogor jokatu beharko du talde lituaniarraren kontra. Xabier de la Fuentek eta Josean Aldalurrek emango dute partidaren berri zuzenean, arratsaldeko 18:40etik aurrera.
Horrez gain, Arbizuko pilota jaialdia eskainiko da ETB-1en, 22:15etik aurrera. Hasteko, Ongay- Cecilio eta Mendizabal II- Ladis Galarza pilotarien arteko partida eskainiko da eta ondoren, Titin III- Merino II eta Ezkurdia- Zabaleta bikoteek jokatuko dute jardunaldiko partida nagusia. Xabier Euzkizte, Josean Tolosa eta Koldo Aldalurrek egingo dute emanaldiaren gaineko kontakizuna.
