"Mutilei kaña ematera nator"

Aintzane Etxebarria kaletarra Zegaman bizi den arren, jaiotzez Amurriokoa da. Psikologia ikasketak hasi zituen, eta egun, administratzaile lanak egiten ditu garraio enpresa batean.

Kirola egitea asko gustatzen zaio. Atletismoan ibili zen, eta Euskadiko eta Espainiako txapelduna izan da hainbatetan 3000 metro oztopotan eta krosean.  Argazkilaritza, mozorrotzea eta irakurtzea ere gustuko ditu, eta parrandazalea da.

Oso lehiakorra da, eta "ero" xamarra. Ez da oso kariñosa eta ez zaio gehiegi gustatzen bere "espazioa" errespetatzen ez dituzten pertsonak. Usaimena oso garatuta omen du. Zomorroei, baserriko animalia handiei eta oilarrei beldurra die.