"Ez dut jasaten niri aginduak ematea"

Bizipozez betetako neska da Igorreko Andrea. Umore onez egoten omen da ia beti eta ingurukoek barre asko egiten omen dute berarekin. Gainera, "salseoa" atsegin duela eta lagunak egiteko erraztasuna daukala esaten du.

Hori bai, norbait aginduak ematen hasten bazaio, kito! Hor amaitzen da umore ona. Errespetuz eskatuz gero, edozertarako prest egoten dela dio; "baita korrika egiteko ere". Baina norbait aginduak ematen hasten bazaio edo oihu egiten badio, ziurrenik liskarra izango dutela aitortzen du.

Andrea ez da oso kirolaria. "Oso alferra naiz eta gorroto dut korrika egitea". Baina zumba egin izan du eta irakasle gisa ere aritu izan da.