Batek daki
22:15ean
Bizitza aldatu zaien lagunak, gaur gauean, 'Batek Daki' saioan
A.E|EiTB
Aitziber Garmendiak pertsona eta kasu bereziak ezagutuko ditu.
Informazio gehiago (1)
Bizitza modu berezian aldatu zaien pertsonak ezagutuko ditu Aitziber Garmendiak gaur gauean 'Batek Daki' saioan. Umorez eta ekintza dibertigarriz betetako saioan, Euskal Herrian barrena ibiliko da Garmendia, pertsona eta kasu bereziak ezagutzen.
Adibidez, famak bizitza erabat aldatu dien Belako musika talde arrakastatsuko musikariei egingo die bisita Garmendiak. Laukote gazteak marka guztiak hausten dihardu, 2012an Gaztea Maketa Lehiaketa irabazi zutenetik. Beraien sekretu guztiak ezagutzeaz gain, Aitziber Garmendiak taldeko abeslari izateko casting berezia gainditu beharko du.
Aste honetako 'Batek daki' saioak atal oso dibertigarriak utziko dizkigu: Etxalarkoa (Nafarroa) adibidez. Etxeko helduenei teknologia berriak bizitza nola aldatu dien ezagutuko dute Milagros Indaburu eta Santiago Elizagoienen eskutik. Etxalarko bi jubilatuak lehenengo aldiz whatsapez idazten edo selfieak egiten nola moldatzen diren ikusiko dugu.
Saioko atalik hunkigarrienean, Aitor Francesena Gallo surf irakasle zarauztarra ezagutuko dugu. Duela urte gutxi, erabat itsu gelditu zen surfean ari zela istripu bat izan osten. Ikusmena galdu arren, surfean jarraitzen du Gallo-k eta umore onez gainera. Aitziber Garmendiari itsasoa beste era batera ikusten erakutsiko dio.
Aitziber Garmendiak Xabier Usabiagaren historia ere ezagutuko du. ETBko aurkezleak kontatuko dio nola bihotzeko arazo batek behartu zuen txirrindularitza profesionala uztera. 24 urterekin jasotako kolpe hartatik nola zutitu zen aitortuko dio Usabiagak, eta baita 'Gaur Egun'eko aurkezle on bat izateko sekretuak ere. Moldatuko ote da Aitziber Garmendia informatibo bat aurkezten?
Aste honetako 'Batek daki' saioak Bergaran egingo du azken geldialdia, Maite Aristegiren baserrian. Aristegi basterritarra da eta duela 4 urte Madrilera joan zen, Diputatuen Kongresurako hautatua izan baitzen Amaiur koalizioan. Aitziber Garmendiak berekin ikasiko ditu politikako eta baserriko sekretu guztiak.
'Batek Daki' saioa ostegun gauetan eman ohi da 22:15etik aurrera ETB1en eta eitb.eus-en.
tb.eus-en.