Biba Zuek
18:00etan
'Gernika' ikuskizunaz, gaur arratsaldean, "Biba Zuek!" saioan
EITB Media
Gernikako bonbardaketan oinarritutako dantza emanaldiaz mintzatuko dira Zibel Damestoy, Arthur Barat eta Xabi Etcheverry. Lehen orduan, berriz, Ukrainako gatazkari eskainiko diote arreta.
-
Bilaka kolektiboko kideak 'Gernika' taularatzen. EITB Mediaren bideo batetik ateratako irudia
Bilaka kolektiboko hiru kide izango dituzte gaur arratsaldean "Biba Zuek!" saioan Gernika dantza ikuskizuna aurkezten: Zibel Damestoy, Arthur Barat eta Xabi Etcheverry. Kolektibo honek Euskal Herriko dantza eta musika herrikoietan espezializatuak diren artista gazte batzuk biltzen ditu. Ikuskizun honetan Gernikako bonbardaketa dute hizpide, bertan bizi izan zen indarkeria salatzen dute. Lehen orduan Ukrainako gatazka izango dute elkarrizketarako gai.
Maddalen Arzallusek eta Xabier Sukiak gidatuta, "Biba Zuek!" saioa zuzenean eskaintzen da ETB1en eta eitb.eus-en 18:00etatik aurrera.
