Igor Makazaga, Donostiarraren entrenatzailea, gaur arratsaldean "Biba Zuek!" saioan

Gaur, udako kirola, arrauna, izango da protagonista "Biba Zuek!" saioan. Donostiarra Eusko Label Ligako bigarren postuan da, eta bertako entrenatzailea, Igor Makazaga, izango da gonbidatu nagusia. Bertan, aurtengo denboraldiaz eta bere ibilbideaz hitz egingo du Igorrek.

Lehen orduan indusketak izango dituzte hizketagai. Gaian barneratzeko Aranzadi Elkarteko bi indusketa bururen bisita izango dute eta euren lanaz hitz egingo dute. Horrez gain, udako indusketa arkeologikoetan boluntario moduan dabiltzan bi lagunek, gazte batek eta jubilatu batek, haien esperientzia kontatuko dute.

"Biba zuek!" gaur izango dugu ikusgai, 18:00etatik aurrera ETB1en eta eitb.eus-en.