boxeo izarrak
00:05etik aurrera
'Boxeo Izarrak' saioaren denboraldi berria hasiko da gaur
EITB
Jorge Linares eta Kevin Mitchell boxeolarien arteko pisu arineko munduko txapelketa eskainiko du saioak kurtso berriko lehenengo atalean.
'Boxeo Izarrak' saioaren denboraldi berria hasiko da gaur -ostirala-, eta pisu arineko borrokaldiekin osatuko dute Pedro Mari Goikoetxea aurkezleak eta Manu Maritxalar adituak lehenengo atala.
Hasteko, Jorge Linares eta Kevin Mitchell boxeolarien arteko munduko txapelketa eskainiko dute. Mitchell britainiarrak 39 garaipen lortu eta bi borrokaldi bakarrik galdu ditu. Hamaika aldiz izan da kontinentearteko tituluaren jabe, eta bitan jokatu du munduko txapelketa, baina ezin izan du irabazi; hirugarrenean lortzen saiatuko da. Jorge Linares venezuelarrak 38 neurketa irabazi eta hiru galdu ditu. Guztira, hiru pisutan izan da munduko tituluaren jabe, eta gerrikoari eustea da bere helburua. Borrokaldi gogorra eta ikusgarria izango da.
Bigarren neurketan, bi britainiar jarriko dira aurrez aurre: Scott Cardle eta Craig Evans. Bietako batek ere ez du borrokaldirik galdu orain arte.
'Boxeo Izarrak' gaur iluntzean izango da ikusgai, 00:05etik aurrera, ETB1en.
B1en.