boxeo izarrak
00:30ean
'Boxeo Izarrak' saioaren denboraldi berria hasiko da gaur ETB1en
A.H. | EITB
Pedro Mari Goikoetxeak eta Manu Maritxalarrek aurkeztutako saioak Jon Fernandezen azken borrokaldia eta Mayweather-Maidana neurketa eskainiko ditu.
Gaur gauean, 'Boxeo Izarrak' saioaren denboraldi berria hasiko da ETB1en, Pedro Mari Goikoetxeak eta Manu Maritxalarrek aurkeztuta. Hasteko, Jon Fernandezek Estatu Batuetan egindako lehen borrokaldia eskainiko du saioak. Naciff Castillo mexikarraren aurka neurtu zituen indarrak Etxebarriko boxeolariak, eta platoan izango da norgehiagoka komentatzeko.
Horrez gain, duela bi aste zendu zen Benito Canal boxeolaria gogoratuko dute, eta Paco Bueno ere bai, bere jaiotzaren mendeurrenean.
Emanaldia osatzeko, Floyd Mayweather eta Marcos Maidanaren arteko norgehiagoka eskainiko du saioak. Bi boxeolarien artean munduko 29 gerriko dituzte.
'Boxeo Izarrak' ostiraletan emititten da 00:30etik aurrera ETB1en.
