DantzanGo!
21:00etan
'DantzanGo!' saioaren bigarren atala, gaur gauean, ETB1en eta eitb.eus-en
EITB
21:00etan emango du EiTBk berriz ere Zuriñe Hidalgok aurkezten duen lehiaketaren bigarren atala.
'DantzanGo!' dantza lehiaketak egun aldaketa izango du aste honetan; ez da ostiral iluntzean emango, igande iluntzean baizik. Ordutegia betikoa izango da: 21:00etan.
Bigarren saio honetan castinga gainditu duten zotzi dantza talde arituko dira. Koreografia bat prestatzeaz gain, euren taldeko kide bihurtu beharko dute saioan parte hartuko duten ospetsuetako bat, horien artean, Iñigo Txapelpunk, Iker Villa, Manu Maritxalar, Mitxel Santamarina, Miren Arrieta, Tania Dosousa, Ylenia Baglietto eta Ainara Ortega.
Talde bakoitzak bere koreografia defendatuko du Ainhoa Etxebarria, Paula Bujanda eta Asier Zabaletak osatzen duten epaimahaiaren aurrean. Saioaren amaieran, talde bat lehiaketatik kanpo geratuko da. Kanta eta dantza uztartuz, ziurtatuta daude ikuskizuna eta emozioa.
