Carlos Iturgaizekin elkarrizketa, 'Egun On Euskadi'n eta 'ETB Hoy'n

Gaur goizean, Carlos Iturgaiz Europako Hauteskundeetarako PPko hautagaia, ETB1eko 'Egun On Euskadi' eta ETB2ko 'ETB Hoy' albistegietan izango da gonbidatu, eta bere alderdiaren programa politikoa azalduko du.

ETB1en, Estepan Aldamiz-Etxebarriak egingo dio elkarrizketa eta horrez gain, Iñaki Galdos, Felix Iriarte eta Duñike Agirrezabalaga izango ditu solaskide, 08:00etatik aurrera.

ETB2n, ordea, Olaia Urtiagaren galderak erantzungo ditu PPko hautagaiak goizeko 11:45ean eta ondoren, Silvia Intxaurrondok aurkeztutako tarteak eguneko albiste nabarmenenen berri emango du.

Enric Ruiz-Geli arkitektoa, 'Entrada Libre'n

Vanessa Sanchezek Enric Ruiz-Geli arkitektoa elkarrizketatuko du, Ampo Idiazabal enpresarentzat diseinatu duen eta asteazkenean inauguratuko den eraikin berriaz hitz egiteko. Ruiz-Geli eskarmentu handiko arkitektoa da, eta besteak beste, Bartzelonako MediaTIC erakinaren egilea da, 2012an munduko erakin onena izendatua. 'Entrada Libre' egunero emititzen da 11:15etik aurrera ETB2n.