Egun on Euskadi
Gaur goizean
Podemoseko Roberto Uriarteri elkarrizketa, 'Egun On Euskadi' saioan
EITB
Euskadin Podemos alderdiak egingo dituen hauteskunde primarioen eta bere hautagaitzaren inguruan galdetuko dio Estepan Aldamiz-Etxebarriak.
Roberto Uriarte Podemosen Euskadiko idazkari nagusia izateko hautagaia elkarrizketatuko du Estepan Aldamiz-Etxebarriak ETB1eko 'Egun On Euskadi'n, 09:00etatik aurrera. EHU/UPVko Zuzenbide Konstituzionaleko irakaslea Euskal Hiria ekimenaren zerrendetan idazkaritza nagusirako hautagai moduan aurkeztu da, eta Podemosen primarioen prozesuaz arituko da solasean.
Horrez gain, Mikel Aramendi, Felix Iriarte eta Patxi Gaztelumendi solasaldi mahaiaren inguruan bilduko dira egun-eguneko gaiak aztertzeko, eta Olaia Urtiaga kazetariak, bere aldetik, eguneko albiste nagusien berri emango du.
