Aktoreak nola 'saltzen' diren aztergai, aste honetako 'EiTB Kultura'n

Pertsonaia ezberdinak interpretatzea eta nork bere burua aurkeztea ez dira gauza bera. Aktoreek dozenaka casting egin behar izaten dituzte lana topatzeko, promozio lanen aurkezpena egin, euren agenteak aukeratu, eta gaur egun oso geldi dagoen merkatu batean mugitu beharra dute.

'EiTB Kultura-Transit' Alicia Borracherorekin (aktorea) eta Ben Templerekin (aktore, zuzendari eta casting zuzendaria) izango da. Estatu Batuetatik ekarritako marketin teknika aurreratuenak irakasten dizkiete beste aktoreei. Joseba Apaolaza aktore euskaldunarekin ere hitz egingo dute, alor honetan izandako bizipenen berri jasotzeko. Horrez gain, Anima Eskola Bilboko interpretazio eskolako zuzendariarekin arituko dira solasean.

Zinema-aretoetan izango diren estreinaldiak errepasatuz eta azken musika proposamenen berri emanez osatuko da asteroko magazine kulturala.

'EiTB Kultura' gaur gauean izango da ikusgai ETB1en eta ETB2n.