Eitb Kultura
ETB1en eta ETB2n
San Juan baleontzia hizpide, gaurko 'EiTB Kultura-Transit' saioan
A.H.
EITB
Gainera, Ignacio Chillida elkarrizketatuko dute, eskultore ospetsuaren semea eta 'Chillida. Bideak' erakusketaren komisarioa.
XVI. mendeko baleontzi famatuaren erreplika da San Juan ontzia. Datorren astean, ontziaren gila kokatuko da eta ontzia eraikitzen hasiko dira. 'EiTB Kultura-Transit' saioak proiektua jarraituko du gertutik, izan ere, garrantzi historiko handia duen proiektua da, eta Pasaiako eskualdeko kultura dinamizatzea du helburu.
Albaola ontziolan eraikiko dute, garaiko teknika berdinak erabiliz, eta Donostia/San Sebastian 2016 kulturaren hiriburuaren enbaxadore izango da.
Horrez gain, Ignacio Chillida eskultore ospetsuaren seme eta 'Chillida. Bideak' erakusketaren komisarioarekin arituko dira aste honetako saioan. Donostiako Kubo Kutxa aretoan ikusgai izango da erakusketa eta eskultorearen hainbat lan bilduko ditu.
'EiTB Kultura-Transit' gaur gauean emitituko da ETB1en eta ETB2n.
