Goenkale
Aurrerapena
Ines bahituko dute eta Esther larri jarriko da, hurrengo 'Goenkale'n
EITB
Batisek Ines bahituko du, Joni mendeku hartzeko, eta Estherren gaixotasunak okerrera egingo du telesaileko hurrengo atalean. Astelehenean, ekainaren 10ean, 22:15etik aurrera ikusi ahal izango dugu.
Informazio gehiago (1)
'Goenkale' telesailean giroa puri purian dago. Alde batetik, Batisek Ines bahituko du Joni mendekua hartzeko. Bestetik, Esther lurrean botata aurkitu zuen Mireiak eta oso larri dagoela esango diete, bere gaixotasunak okerrera egin duela. Astelehenean, ekainaren 10ean ikusiko dugu zer gertatzen den 22:15etik aurrera.
Ines izango da hurrengo ataleko protagonistetako bat. Lehendabizi, Germanekin eztabaida izango du eta honek haurraren kustodia eskatuko duela jakinaraziko dio. Ondoren, berriz, Batisek bahitu egingo du Joni mendekua hartzeko. Diru kantitate altua eskatuko dio Ines libre uztearen truke.
Bestalde, Esther oso larri dago. Bere gaixotasunari aurre egiteko tratamentuaren ondorioz, gibela hondatu zaio. Medikuak gibel-trasplantea behar duela azalduko die Mireiari eta Juliani, bestela urte beteko epean hiltzeko arriskua izango du.
Nelsonen arazoak bestelakoak dira. Leok gustuko duela jakingo du eta bere sentimentuak benetakoak direla erakutsi nahi izango dio; elkarrekin egotea dela euren patua.
Eta Axun ere ilusioz beteta ibiliko da, Abelek afaltzera gonbidatuko baitu. Baina ezusteko ederra hartu beharko du berriz ere.
Azkenik, Manex Iboni laguntzen saiatuko da honek dituen sexu arazoekin eta emakume bat kontratatuko du Ibonekin oheratu dadin.
Astelehen eta asteartetan, 'Goenkale' zuzenean jarraitu daiteke 22:15etik aurrera eitb.com-en eta ETB1en.
