Goenkale
Aurrerapena
Idoiaren aurpegi ezkutua ezagutuko dugu, gaur, 'Goenkale'n
eitb.com
Gaurko atalean Idoia ez dela hasieran ematen zuen zaintzaile goxoa ikusiko dugu. Bestalde, Dorothyk eta Julianek Technical Motors-ekin zuten arazoa konpontzea lortuko dute.
Informazio gehiago (1)
Idoia, German eta Inesen haurraren zaintzailea, izango da gaurko ataleko protagonistetako bat 'Goenkale'n. Ez dela uste bezain neska goxoa eta bere asmoa ez dela hasieran uste zena ikusiko dugu, 22:15ean, ETB1en.
Inesek eta Germanek nahi ez badute ere, Idoiak biberoia emango dio ezkutuan Unairi. Horren ondorioz, Unaik ez du bularra hartuko eta Ines desesperatu egingo da. Izan ere, haur zaintzaileak neska goxoa ematen zuen, baina beste aurpegi bat erakusten hasiko da poliki-poliki. Hasteko, Manexekin istilu ederra izango du jelosiak jota. Gainera, ezusteko erreakzioa izango du Ines, German eta Unai elkarrekin dauden argazki bat ikusten duenean.
Bestalde, Dorothyk eta Julianek Technical Motors-ekin zuten arazoa konpontzea lortuko dute: Julianek Technical Motorsen arriskua ezabatuko du, Dorothyk hainbat urtez ondo gordeta izan dituen frogei esker. Armistizioa sinatu beharko du Technical Motorsek, eta Dorothy kartzelatik ateratzea adostuko dute.
Liskar batzuk konpondu ahala, baina, beste batzuk sortuko dira. Naiaren kasua da argiena; lehertu egingo da, eta bere ama beste gizon batekin egon zela badakiela esango dio Germani, eta hori dela arrazoia Aliciarekin atsegin ez izateko. Aliciarekin hitz egingo du Germanek, eta egia dela adieraziko dio honek. Albiste horren eraginez, Kandidok eta Aliciak eztabaida gogorra izango dute; Aliciaren ustez, Kandidok kontatu dio istorioa Naiari.
Ez galdu 'Goenkale'ren hurrengo atala! ETB1eko telesail arrakastatsuenak misterio ugari ditu oraindik gordeta gainera!
