Goenkale
ETB1en
Abelen iragan iluna agerian geldituko da,gaur gauean, 'Goenkale'n
Gaur gauean, 22:15ean, aitari buruzko gauza larriak ezagutuko ditu Kandidok.
Informazio gehiago (1)
Abelen ezkutuko iragan ilunari buruzko probak aurkituko ditu, ustekabean, Kandidok, 'Goenkale'ren hurrengo atalean. Gaur gauean, 22:15ean, ETB1en izango dugu ikusgai.
Baina bestelako konturik ere izango da. Kepa, esaterako, Arralden bere burua aurkezten hasiko da. Alkateak uste izango du parekotasun ugari dutela biek. Manterola familiak, berriz, ezustekoa jasoko du: alaba iritsiko zaie etxera, eta gezurra esaten aritu direla ohartuko gara, ez baita kanpoan ikasten aritu. Mireia, gainera, pozik geldituko da Kepak Malen fundaziorako dohaintzan emandako diru-kopurua ikusita.
Erikak Boga hartuko du bizileku, Malen fundazioan lan egiteko; arrantzale etorkinen seme-alaben eta horien emazteen irakasle gisa arituko da.
Pediatraren txostenak Unai primeran dagoela esan du, baina Ines ez dago lasai; umeak ez dio bularrik hartzen, eta ez da Idoiaz, umezainaz, fio.
Nekanek Gontzali buruzko ikerketarekin jarraitzen du, baina horren nagusiek badakite zertan dabilen, eta kasua bertan behera uzteko aginduko diote.
