Goenkale
Aurrerapena
Alizia Telmorekin berriz oheratu dela jakingo du Kandidok
eitb.com
Erredakzioa
Behin hari-mutur guztiak lotuta, Lupek orain arte ikusi nahi izan ez duen albistea onartu beharko du: bere iloba Coralina haurdun dagoela. Ez galdu 'Goenkale' telesailaren atala astearte honetan.
Informazio gehiago (1)
Aliziaren desleialtasuna izango da gaurko 'Goenkale' telesailaren kapituluko argumentu nagusienetakoa.
Festan Kepak Mireiari emandako musuak ez du ondorio larririk izan, eta biek onartu dute akats bat besterik ez zela izan, inoiz errepikatuko ez den zerbait, alegia. Baina ordutik aurrera Kepak ezin dio Mireiari beste modu batean begiratzeari utzi.
Inora ez doazen musuak dauden bezala, beste askok aldez aurretik hartutako erabakiak aldatu ditzaketenak ere badaude. Erikak Arraldetik joateko asmoa erakutsi izanak Manex bere maitasuna erakustera behartu du. Pasioa dario alde guztietatik elkarrekin duten harremanari, eta ez bakarrik maitasun kontuetan. Haientzako ate bat zabaltzen dela dirudienean, ordea, Kaiet azalduko da eta Erika mehatxatuko du.
Beste irtenbiderik gabe, banatu beharra izango dute Aliziak eta Kandidok. Azken honek tramiteekin aurrera egitea erabaki du Alizia berriz ere Telmorekin oheratu zela jakin ostean. Aliziak berak eman zion albistea.
Behin hari-mutur guztiak lotuta, Lupek orain arte onartu ez duen albistea baieztatuko du: bere iloba Coralina haurdun dagoela.
Ez galdu 'Goenkale', astelehen eta astearteetan, 22:25etik aurrera, ETB1en eta eitb.com-en.
