Goenkale
Aurrerapena
Berarekin ezkontzeko eskatuko dio Kepak Mireiari, gaur, 'Goenkale'n
Gainera, gaurko atalean, Ibon Arraldera itzuliko da, eta Coralina komatik esnatuko da.
Bideoak (1)
'Goenkale' telesailaren gaur gaueko atalean (Setatiak temosoari, egoskor), Ibon Arraldera itzuliko da, eta Itxasok harrera beroa egingo dio, beragatik sentitzen duena erakutsiz. Aitor alboratuta geratuko da orain, eta ez du itzulera hau begi onez ikusiko.
Coralina komatik esnatuko da, Asun alboan duela. Lupe eta Sabino pozarren egongo dira berri onarekin, baina Garik bihozgabe jokatuko du, gorrotoak jota.
Bestalde, Kepak aurrerapausoa emango du eta Mireiari berarekin ezkontzeko eskatuko dio. Mireiak, ordea, egia esatea erabakiko du, eta beste gizon batekin maiteminduta dagoela aitortuko dio.
Kepa ez da izango maitasun kontuengatik sufrituko duen bakarra. Aitzak uste du Dorletaren manipulazioaren biktima izan dela, eta horrela jakinaraziko dio, inolako azalpenik entzun gabe. Gurasoak salatzea erabakiz gero, betiko galduko duela esango dio.
Ignaciok istripua izan zuen tokian egon zen ibilgailua aurretik Ertzaintzak atzemandako ibilgailuen gordailuan egon zela jakingo dute. Beraz, Ignacioren ustezko bahitzailea ertzaina dela ohartuko dira.
'Goenkale' astelehen eta astearteetan emititzen da, 22:25ean, ETB1en eta eitb.com-en.
