Goenkale
Gaur, 22:25ean
Sabinoren deklarazioak Luperen ezkontza aldatuko du, 'Goenkale'n
Aitorrek beste neska bat ezagutuko du, eta Itxasori ez dio graziarik egingo. Bestalde, Julianek beste aukera bat eman nahiko dio Carlari.
Informazio gehiago (1)
Lupe Asierrekin ezkontzekotan da, baina Sabinok ezin du sentitzen duena ezkutatu eta ezkontza etetea erabakiko du Luperekiko sentitzen duena deklaratuz. Lupek Sabino maite duela onartuko du, eta Sabinok hartuko du Asierren tokia.
Euren kasua eraman zuen langile sozialarekin batzartuko dira Kandido eta Nekane, eta bilatzen ari diren umea zein familiak adoptatu zuen jakingo dute.
Kepak Mireiaren bideoa zabaldu zuen, eta, ondorioz, Mireiak mendekua hartu nahi du. Bestalde, Aitorrek beste neska bat ezagutuko du. Itxasok Aitor neska berriarekin ikusiko du, eta ez dio graziarik egingo.
Sarritan bihotzak buruak baino indar handiagoa du, eta Julianek beste aukera bat eman nahi dio Carlari. Sinestezina dirudien arren, Mireiak bultzatuko du Carlari beste aukera bat ematera. Carlak Julian ez duela bere diruagatik soilik maite aitortuko du, eta Julianek Carlak esandakoa sinetsi nahi du.
'Goenkale' astelehenetan eta astearteetan emititzen da, 22:25ean,ETB1en.
