Goenkale
AURRERAPENA
Unax pertsonaia berria iritsiko da Arraldera gaurko 'Goenkale'n
EITB.EUS
EITB
Gaurko atalean, Unax pertsonaia berria azalduko da Arralden. Gainera, eztabaida bat baino gehiago ikusiko ditugu: Nekaneren eta Kandidoren artekoa, Paskalen eta Julianen artekoa...
Informazio gehiago (2)
'Goenkale'ren gaurko atalean, Unax iritsiko da Arraldera. Nekane ertzainaren ilobatzat aurkeztuko du bere burua, eta Alazneren eta Endikaren lagun egingo da laster. Mutil zoragarria dirudi; hala ere, horren iraganaren inguruko guztia ezagutuko dugu Nekaneri esker.
Amagoiaren auzian egindako lan ona dela eta, Nekanek zoriondu egingo du Kandido. Keinu hori bien arteko hurbilketa dela iritzita, lehen zeukaten harremana berreskuratzen saiatuko da Kandido. Nekanek, baina, oso argi utziko dio egoera zein den.
Landerrek motoa erosi nahi du, eta Julianek dirua utziko dio. Horren berri jasotakoan, Paskal haserretu egingo da eta Julianekin eztabaida izango du.
Izaskunen maitalea Jagoba zela konturatuko da Igor. Dena dela, ez dio emazteari errurik botako, eta bere alboan gera dadin eskatuko dio.
Hodeik dena prestatuko du Taniarekin gau erromantikoa igarotzeko. Taniaren beldurrek, baina, zapuztu egingo dute une hori.
Paskalek botikan duen partaidetza arrebari uzteko tramiteak bukatzear daudela ematen duenean, botikari gisa aritzeko gaitasungabetzea iragartzen dion abisua jasoko du Jagobak.
Hori guztia eta askoz gehiago, gaur, 'Goenkale'n, ETB1n eta eitb.eus-en.
