Goenkale
AURRERAPENA
Julian bere aita dela jakingo du Paskalek, 'Goenkale'n
EITB. EUS
EITB
Etxegaraitarren alaba zaharrenak gurasoei aurre egingo diela ere ikusiko dugu asteleheneko atalean. Gainera, Arraldeko gazteek musika-talde bat eratuko dute.
'Goenkale'ko gaurko atalean ikusiko dugunez, Paskalen susmoak egiaztatu egingo ditu Joellek: Julian da bere aita. Hortaz, egia ezkutatzeagatik asko haserretuko da Joellerekin. Dena dela, Balira ez joatea eta Landerrekin Arralden bizitzen geratzea erabakiko du Paskalek. Aurrerantzean, emozio handiz biziko ditu Paskalek familia-lotura berri hauek.
Arantzarentzat, ordea, dena da arazo. Taniak ez ditu azterketak egin eta eztabaida gogorra izango du alabarekin. Gainera, Olaiak bazekien botikan viagra legez kanpo saltzen zela, eta Paskali kontatuko dio. Paskalek traidoretzat joko du Olaia, baina horrek ez du neba salatuko.
Jagobak ere ez du bere unerik onena bizi. Igor eta Izaskun elkarrekin ikusiko ditu. Topaketa hori gaizki ulertuko du Jagobak, eta Izaskunen aurka egingo du haren maitale ohiak. Horrez gainera, Jagobak ere liskar gogorra izango du Taniarekin, eta Amaliaren heriotzaren inguruan egia badakiela esango dio aitari.
Bestalde, Hodeiren eta Landerren arteko harremanak hobera egingo du. Elkarrekin musika jotzeaz gain, musika-talde bat eratuko dute.
Ez galdu 'Goenkale', gaur gauean, 22:25ean, ETB1en eta, zuzenean, eitb.eus-en.
