Gu Ta Gutarrak
Castingak martxan daude
'Gu Ta Gutarrak' saioak garai berria hasiko du 2015ean
I.A.
Sorpresa handia eman digu Julenek saioan: "Fase honetako gutar guztiak ezagutzen ditugu. Ez da berririk izango aurten".
Bideoak (1)
Informazio gehiago (1)
Albiste garrantzitsua eman digu Julen Telleriak "Gu Ta Gutarrak"en. Aurkezleak adierazi duenez, aurten ez da gutar berririk sartuko saioan. Horrek zer esan nahi du? Fase bat bukatuko dela eta beste bat hasiko dutela, gutar berriekin. Orain dauden lehiakideekin kuadrilla jatorrena osatuko dute, eta hori egindakoan, aro berria hasiko du saioak 2015ean kide berriekin.
Zuk ere gutarra izan nahi duzu?
Garai berrirako gutar berriak behar ditu saioak, eta, beraz, bi casting egingo ditu abenduan: hilaren 17an, EiTBren Bilboko egoitzan, eta hilaren 19an, Donostiako egoitzan, Miramonen.
Saio honetan parte hartuko duten neskek eta mutilek asteburuak Morgako aterpetxe batean pasatuko dituzte eta, ondoren, ETBko platoan kontatuko dituzte han gertatutakoak Julen Telleriak gidatzen dituen saioetan, Aitorrek, Enarak, Txurruk, Irantzuk, Leirek eta gainerako gutarrek egin duten bezala.
Programa barrutik ezagutu, lagun berriak egin eta telebistako saltsa nolakoa den jakin nahi baduzu, etorri 'Gu Ta Gutarrak' saioko castingetara abenduaren 17an edo 19an! Edo, bestela, bidali mezu bat gutagutarrak@eitb.eus helbidera ala WhatsApp bidez 659 756 187 telefono zenbakira.
