Gu Ta Gutarrak
22:25ean
'Gutarrak Kanpinean'eko lagunak Itziarren izango dira gaur gauean
EITB
Sakako Markesaren Ganadutegian prestatutako erronkari aurre egin beharko diote talde urdinak eta arrosak.
Informazio gehiago (1)
Gaur gauean, Itziarko Itxaspe kanpina bisitatuko du 'Gutarrak Kanpinean' saioak. Gutarren erronka nagusia Deban gutar berriak ezagutzea izango da, eta Sakako Markesaren ganadutegian prestatutako erronka gainditzea horiekin batera. Irabazleek puntu bat gehituko dute markagailuan, eta bidaia lortzetik hurbilago egongo dira.
Orain arte, talde arrosa izan da garaile, bai erronka nagusian eta baita jatortasunean ere. Itziarko abenturan, gauzak aldatzen diren edo berdin jarraitzen duten ikusiko dute ikus-entzuleek, eta Nakor eta Amaia kuxkuxeroen papera lagungarria den ala ez argituko dute.
Talde urdinean, Irantzu, Iker eta Eneko egongo dira asteazkeneko saioan, eta arrosean, berriz, Beitia eta Imanol. Goizaldek beraiekin egon behar zuen, baina kale egin du; beraz, ikusteko dago nor joango den haren ordez.
Debako hondartza eta txiringitoa, Itziarko Itxaspe auzoa eta Saka izango dira saio honetan agertuko diren Euskal Herriko txokoak.
'Gutarrak Kanpinean' gaur izango da ikusgai, 22:25etik aurrera, ETB1en.
TB1en.