Gu Ta Gutarrak
22:25ean
'Gutarrak Kanpinean' saioa Zumaian izango da gaur
EITB
Talde arrosaren eta urdinaren arteko berdinketa gainditzeko, erronka berri bati egin beharko diote aurre gutarrek.
Gutarrak Zumaiako kanpinean izango dira gaur gauean. Gutar berriak ezagutu eta beraiekin batera erronka nagusia irabazi beharko dute, markagailuan puntu bat gehiago lortzeko. Oraingoz, talde arrosa eta urdina berdinduta daude. Zer gertatuko ote da oraingo honetan?
Saioan Zumaiako neska arraunlariekin estropadetan arituko dira gutarrak, eta, horrez gain, Nakor edo Amaia aukeratu beharko dute erronka nagusia beraiekin betetzeko. Aste honetan, altxor preziatu bat bilatu beharko dute Zumaiako herriko kaleetan zehar.
San Telmo ermita, Euskal Kostaldeko Geoparkea, Zumaiako portua eta, noski, kanpina dira aste honetako agertokiak. Talde arrosan, Naomi, Aitor eta Leire egongo dira oraingo honetan, eta urdinean, berriz, Enara, Leku eta Sarai.
'Gutarrak Kanpinean' gaur izango da ikusgai, 22:25etik aurrera, ETB1en.
