Jon Maia, gaur, 'Gure Kasa' saioan

Gaur iluntzean, Jon Maia izango da 'Gure Kasa' saioan gonbidatu. Bertsolari ez ezik, gidoilaria, kazetaria, zuzendaria eta abestien letragilea ere bada. Asko du kontatzeko, eta ondo pasatzeko prest etorriko da 'Gure Kasa'ra.

Bestalde, Nerea Alias ETBko artxiboan arakatzen ibili da, gonbidatuaren telebista agerpen onenak biltzen. Maddalen Arzallus ere etorriko da astelehen honetako saiora. Mutrikun izan da abestien zaindaria, eta bertako abestiak entzungo ditugu. Jarraian, Jon Maiarekin batera abestuko du.

Amaitzeko, Iban Garciak asteburu honetan ospatutako Donostia Festibalaren kronika ekarriko digu. Bertako giroa erakusteaz gain, Berri Txarrak taldekoei 'Gure Kasa'ra etortzeko gonbidapena ematen ahalegindu da. Lortuko al du?

'Gure Kasa' astelehenetik ostegunera izan ohi da ikusgai, 21:30etik aurrera, eitb.eus-en eta ETB1en.