Hitzetik Hortzera: Bertsoak Euskal Telebistan | EITB Hitzetik Hortzera

Hitzetik hortzera

10:00

Hitzetik hortzera

Larunbatean eta igandean

Bollo bertso saioak, asteburu honetan, "Hitzetik Hortzera" saioan

EITB Media

Amaia Agirre eta Eli Pagola bertsolariekin izan da Eider Perez, eta bertsolaritzak LGTBIQ+ mugimenduaren baitan egin duen eta egingo duen bideaz arituko dira aste honetako programan.

1:20
  • Whatsapp
  • Whatsapp
  • telegram
  • Bidali

Asteburu honetan bollo bertso saioak edo bertsolari bolleraz osatutako bertso saioak izango dituzte hizpide ETB1eko "Hitzetik Hortzera" saioan. Azken urteotan hainbat bollo saio antolatu dituzte han-hemenka, eta bertako esperientziez eta plazaratzen diren ideiez arituko da Eider Perez saioko aurkezlea Amaia Agirre eta Eli Pagola bertsolariekin.

Bertsolaritza, gizarte osoa bezala, pentsamolde heterosexualetik eraikia eta irakurria da. Argi dute hori Amaia Agirrek eta Eli Pagolak. Hortik abiatuta, hainbat bollo bertso saio antolatu izan dituzte, bertsolari bolleren kezkak, diskurtsoak eta umorea partekatzeko gune direnak. Izan ere, jatorriz mespretxagarri den bollera hitza bereganatu dute lesbianen kolektiboek beraien nortasuna berresteko. Bertsolaritzak LGTBIQ+ mugimenduaren baitan egin duen eta egingo duen bideaz arituko dira aste honetako programan. 

Bertso saioak Hernanin, Arrasaten eta Iruritan

Bestalde, Hernanin, Arrasaten eta Iruritan berriki antolatutako bertso-saioak ere izango dituzte mintzagai aste honetan: Hernanin, Donostiako Infernuaren aldeko hitzordua egin zuten martxoaren hasieran; Arrasaten, historiako bertsolarien irudietatik eta pasarteetatik abiatuta, Orainmenean saioa osatu zuten; eta Iruritan, berriz, Baztango Talde Feministak antolatutako saioa izan zen. 

Horrez gain, Lide Arrieta Arrotxapeako bertso-eskolako kidearen Bertsoaldi Kuttuna ezagutzeko aukera izango dugu.

"Hitzetik Hortzera" saioa larunbatean, 21:00etan, eta igandean, 15:00etan, izango da ikusgai, ETB1en eta eitb.eus-en.

Iruzkinak

  • Publizitatea
    logo eitb nahieran
    Publizitatea
    Floorren arauak Ezarrita dagoenaren aurkako arauak ezartzen Floorren arauak
    Prentsa Aretoa Prentsa oharrak, deialdiak, agenda, fototeka,… Prentsa Aretoa
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena