Kantugiro
21:15ean, ETB1en
Karaokea eta jaia uztartuko ditu 'Kantugiro'k astelehenetik ostegunera
EITB
Uda guztia festarik festa ibiliko dira Zuriñe Hidalgo eta Xabin Fernandez aurkezleak.
'Kantugiro' saioa estreinatu da ETB1en. Astelehenetik ostegunera, 'Kantugiro'ren agertokia herriz herri eta festarik festa ibiliko da programaren karaoke berezirako abeslari bila. Zuriñe Hidalgok eta Xabin Fernandezek aurkeztuko dute herriko jaiak eta karaokea tartekatuko dituen programa berria.
Horrez gain, eskarmentu handiko hiru erreportari ibiliko dira herriko jaietan abeslari bila: Nerea Alias, Joseba Olagarai eta Nahiara Gago. Euskal Herriko jaietako giroa ezagutu ahal izango da horien eskutik.
Programa bakoitzeko irabazle bat egongo da, eta 200 euroko saria eskuratuko du. 14 urtetik gorako edonork har dezake parte 'Kantugiro'n, eta, hortik aurrera, ondo pasatzeko gogoa besterik ez da behar. Saio bakoitzean, bederatzi pertsona arituko dira abesti ezagunak kantatzen.
Xabinek eta Zuriñek aukeratuko dituzte finalistak, eta herri bakoitzean aditu bat izango dute lagun irabazlea aukeratzeko. Eibarren, esate baterako, Miren Fernandez abeslaria izan da epailea; Hernanin, berriz, Xabi Solano Esne Beltza taldeko kantaria izan dute lagun, bertakoa baita.
Kamioi-agertoki bat erabiliko dute herriz herri joateko. Dagoeneko Eibarren egin dute lehen geldialdia, eta Hernaniko sanjoanak (ekainak 24) eta Lekeitioko sanpedroak (ekainak 30) izan dituzte hurrengo jomugak.
Uztailaren 3an, Usurbilen egongo dira; 5ean, Zumarragan; 9an, Lesakan; 12an, Oñatin; 17an, Zornotzan, eta 19an, Markinan.
Emisioari dagokionez, berriz, astelehen eta asteartean Hernanin grabatutako saioa izan dugu ikusgai, eta asteazken eta ostegunean, Eibarren grabatutakoak ikusteko aukera izango da.
Ia 300 abestiko zerrenda prestatu du 'Kantugiro'k karaokerako. Denetariko kanta ezagunak bildu dituzte, modernoak eta klasikoak, euskarazkoak zein beste hizkuntza batzuetakoak.
Bertan parte hartu nahi izanez gero, 626181417 telefonora mezu bat bidali, WhatsApp bidez, edo kantugiro@eitb.eus helbide elektronikora idatzi.
onikora idatzi.