Baditugu Bideokipla lehiaketako lau finalistak!

Eskerrik asko 'Kontrako Eztarria' saioko 'Bideokipla' lehiaketan parte hartu duzuen guztioi! Otsaila eta martxoa artean, hainbat bideo jaso ditugu Whatsapp bidez. Horietako lau aukeratu ditugu azken finalerako eta orain, onena zein den esateko zuen txanda da.

Jasotako bideo guztien artean, lau onenak aukeratu ditugu. Bi otsailean jasotakoak: Alopecia en la lengua (Urretxu-Zumarraga) eta Erromoko euskaltegia (Getxo); eta beste bi martxoan jasotakoak: The Pistatxos taldea (Oiartzun) eta Mallacyrus taldea (Mallabia). Eta lau horiekin bozketa jarriko dugu martxan eitb.com-en, 'Kontrako Eztarria' saioaren orrian. Botoa emateko epea apirilaren 2tik apirilaren 8ra artekoa izango da. Eta apirilaren 9ko saioan jakingo dugu irabazleak zeintzuk diren.

2 sari egongo dira. Lehena, 1000 eurokoa, boto gehien jasotzen duen bideoarentzat. Beste saria Xabier Euzkitze, Jon Plazaola, Anjel Alkain, Iker Galartza eta abarrek aukeratuko dute: gehien gustatzen zaien bideoaren egileek 500 euro eramango dituzte etxera.

Segurtasun kontuengatik, bakoitzak boto bat eman ahal izango du egunean eta, botoa markagailura igotzeko, beharrezkoa izango da emailera iritsiko zaizuen mezuan esandakoa egitea.