Korrontzi dantzan
22:00etan
'Korrontzi Dantzan' Zarautzen izango da gaur gauean
EiTB
Saioaren bigarren atal honetan, Korrontziren laguntzaz prestatutako ikuskizunean parte hartuko duten dantzariak ezagutuko ditugu.
Informazio gehiago (2)
'Korrontzi Dantzan' telebista saioaren bigarren atala izango dugu ikusgai gaur gauean ETB1en eta eitb.eus-en. Bigarren atala Zarautzen egingo da.
Emanaldia prestatu bitartean, dantzarekin zerikusia duten protagonistak ezagutuko ditu saioak, profil ezberdinekoak guztiak. Horien bidez, emanaldiaren aurreko entsegu eta probetan murgilduko gara, dantzari bakoitzaren eboluzioa hizpide hartuta.
Ikuskizunaren egunak presentzia nabarmena izango du, eta oholtza gaineko jardunaz gain, backstage-an sortzen diren emozio eta ardura guztiak ikusteko aukera izango dugu.
Erronka betetze aldera, Agus Barandiaran arduratuko da trikitixarekin koreografiei doinua jartzen, eta Izaskun Iturri dantzariak erakutsiko dizkie koreografien oinarrizko urratsak herritarrei.
'Korrontzi Dantzan' proiektuak 50 emanalditik gora egin ditu, bai Euskal Herrian zehar, baita atzerrian ere, eta arrakasta handia izan du.
'Korrontzi Dantzan' asteazkenetan izaten da ikusgai, 22:00etan, ETB1en eta eitb.eus-en.
