Naufragoak
22:30ean
Ihesbiderik ez duen irlarik txikienean, gaur gauean "Naufragoak" saioan
EITB Media
Ur azpiko probak, nekea eta lehiakideen ezinegona izango dira aste honetako atalaren protagonistak.
Bideoak (1)
Informazio gehiago (1)
Gaurko "Naufragoak" saioan, lehiakideek ezinegona malkoen bitartez azaleratuko dute. Aurreko ataleko galernak sortutako tentsioa begi-bistakoa da, eta programaren dinamika ezagututa, naufragoek estrategiak egingo dituzte, baina posible izango al dute estrategia horiek burutzea?
Bestalde, lehiakideek beste uharte bat ezagutuko dute. Tururutik alde egin, eta Cayo Arenara abiatuko dira, zazpi irletatik txikiena. Uhartearen gogortasuna dela eta, bertatik irten nahi izango dute partehartzaileek, baina hori lortzea ez da gauza erraza izango, irla arrezifez eta marrazoz inguratuta baitago.
Zuriñe eta Joseba Cayo Muerton elkartu dira. Baina zer gertatuko da beraiekin? Bikote berria osatuko dute, edo euren artean lehiatuko dira? Unai gabe gelditu ondoren, Josebak gauza bakarra dauka buruan: mendekua.
Ilargik, aldiz, bakarrik jarraitzen du, eta oraingoan ere, erronka berri bati aurre egin beharko dio. Bakarrik egoteak ez dio ondo egiten Arantzazukoari, eta berriz ere, zalantzak izango ditu. Zer egingo du orain?
Ez galdu "Naufragoak" ETB1eko realitya, asteartero 22:30etatik aurrera ETB1en eta eitb.eus-en. Gainera, atal guztiak ikus ditzakezu EITB Nahieranen, EITB Nahieran appean eta EITB Mediaren gainerako plataforma digitaletan.
