sautrela
Literatura
Txillardegiren pentsamendu politikoaz, 15:00etan, 'Sautrela'n
A.H. | EITB
Alde batetik, Pako Sudupek Txillardegiren borroka abertzalea saiakera aurkeztuko du, eta bestetik, dadaismoa izango dute mintzagai erreportajean.
Informazio gehiago (1)
Saiakera bat izango du ardatz aste honetako 'Sautrela'k. Pako Sudupek XX. mendeko euskal intelektualik adierazgarrienetako bati buruz idatzitako lana ekarriko digu: Txillardegiren borroka abertzalea. Arlo askotan nabarmendu zen Txillardegi, baita literatura eta hizkuntzalaritza gaietan ere; saiakera honetan, ordea, Txillardegiren pentsamendu politikoa aztertu du Sudupek. Haren ibilbide politikoa gogora ekarri eta egungo optikatik aztertuko dugu Suduperen saiakeraren bitartez.
Erreportajean dadaismoa izango dute mintzagai. Bere buruarentzako definiziorik nahi ez zuen korronte artistiko gisa aurkeztu zen dadaismoa XX. mende hasieran. Geroztik, ezarritako arau artistikoengandik ihes egin ohi izan du. Mugimendu eklektikoa izaki, literaturan ere utzi du aztarna, baita gure literaturan ere, ageri diren lorratzak urriak diren arren. Ismael Manterola eta Jon Kortazar arte irakasleek gerturatuko digute dadaismoa.
Juan Luis Zabala, Edorta Jimenezen ipuin-liburu batekin etorriko zaigu: 90eko hamarkadan argitaratutako Atoiuntzia lanarekin. Iragan mendeko istorioak kontatzen ditu, betiere, bazterreko eta portuetako giroa ardatz dutenak.
'Sautrela' gaur izango dugu ikusgai, 15:00etatik aurrera, ETB1en.
/strong>